Humse Diwanon Ko Asri Aagahi Dasti Rahi

hum se diwanon ko asri aagahi Dasti rahi

khokhli tahzib ki farzangi Dasti rahi

shoala-e-nafrat to bhaDka ek lamhe ke liye

muddaton phir shahr ko ek tirgi Dasti rahi

maut ki nagin se ab hargiz wo Dar sakta nahin

jis ko sari umr KHud ye zindagi Dasti rahi

main na jaane kitne janmon ka hun pyasa dosto

rah ke dariya mein bhi mujh ko tishnagi Dasti rahi

aap ke honTon pe jo muddat se hai chhai hui

dard mein Dubi hui wo KHamushi Dasti rahi

ek tum ho dushmani bhi ras aai hai jise

aur ek main hun ki jis ko dosti Dasti rahi

har ghaDi chehre pe jo chehre lagata hi raha

umr bhar us ko 'asad' be-chehragi Dasti rahi

(725) Peoples Rate This

Your Thoughts and Comments

Humse Diwanon Ko Asri Aagahi Dasti Rahi In English By Famous Poet Asad Raza. Humse Diwanon Ko Asri Aagahi Dasti Rahi is written by Asad Raza. Read famous Poem Humse Diwanon Ko Asri Aagahi Dasti Rahi for youth and Student by Asad Raza. Free Download Humse Diwanon Ko Asri Aagahi Dasti Rahi in PDF.