Koi Hamdam Bana Ke Dekho Tum
koi hamdam bana ke dekho tum
dil ki duniya basa ke dekho tum
subh-e-nau phir se jag jaegi
sham-e-gham ko sula ke dekho tum
ban hi jaega wo guhar ek din
koi patthar uTha ke dekho tum
Dub jaoge meri chahat mein
mujh se nazren mila ke dekho tum
muskurana ada sahi phir bhi
lazzat-e-gham uTha ke dekho tum
rah-e-ulfat mein haarna kaisa
ek diya aur jala ke dekho tum
husn par naz hai baja lekin
ishq ko aazma ke dekho tum
ghair hi se 'asar' tawaqqo kyun
KHud ko apna bana ke dekho tum
Asar Akbarabadi 
(938) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544