Rumuz-e-mohabbat
1
jab aankh khol ke dekha to ho gaya mastur
ye mera dida-e-bina hi ek hijab hua
tu chhup gaya mah o anjum mein lala-o-gul mein
har ek jalwa-e-rangin tera naqab hua
jab aankh band hui tu hi jalwa-ara tha
2
meri zaban khuli sharh-e-ashiqi ke liye
mera bayan tha muraqqa meri KHajalat ka
har ek harf mein tha ghairiyat ka afsana
meri zaban ne kiya KHun meri mohabbat ka
mere sukut mein tufan-e-ishq barpa tha
3
mere hawas rahe tere wasl mein hail
jo be-KHudi mein hua gharq tu mila mujh ko
ajib shai hai mohabbat mein KHud-faramoshi
fana hua to mili lazzat-e-baqa mujh ko
mera wajud hi ai dost ek parda tha
Asar Sahbai 
(840) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544