Zooming
dekhun jo aasman se to itni baDi zamin
itni baDi zamin pe chhoTa sa ek shahr
chhoTe se ek shahr mein saDkon ka ek jal
saDkon ke jal mein chhupi viran si gali
viran gali ke moD pe tanha sa ek shajar
tanha shajar ke sae mein chhoTa sa ek makan
chhoTe se ek makan mein kachchi zamin ka sahn
kachchi zamin ke sahn mein khilta hua gulab
khilte hue gulab mein mahka hua badan
mahke hue badan mein samundar sa ek dil
us dil ki wusaton mein kahin kho gaya hun main
yun hai ki is zamin se baDa ho gaya hun main
Ashfaq Husain 
(13674) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544