Main Sikhta Raha Ek Umr Haw-hu Karna
main sikhta raha ek umr haw-hu karna
yunhi nahin mujhe aaya ye guftugu karna
abhi talab ne jhamelon mein Dal rakkha hai
abhi to sikhna hai teri aarzu karna
hamein charaghon se Dar kar ye raat bit gai
hamara zikr sar-e-sham ku-ba-ku karna
bhala ye kis ne kaha tha hayat-baKHsh hai ye ishq
kabhi mile to use mere ru-ba-ru karna
kise KHabar kise milta hai lams-e-fikr-e-rasa
KHayal-e-yar ke zimme hai justuju karna
mujhe bhi ranj hai murjha gae wo phul se log
bata raha hai mera zikr-e-rang-o-bu karna
sukut-e-shab ne sikhaya tha mujh ko aaKHir-e-shab
bala ka shor ho jab KHamushi rafu karna
Ashfaq Nasir 
(944) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544