Ye Log DhunD Rahe Hain Yahan Wahan Mujhko
ye log DhunD rahe hain yahan wahan mujh ko
talash karte nahin apne darmiyan mujh ko
main agle pichhle zamanon se ho ke aaya hun
kahin nazar nahin aae hain raftagan mujh ko
wo jis mein lauT ke aati thi ek shahzadi
abhi talak nahin bhuli wo dastan mujh ko
ye kis ne kar diya saiqal zamin ka aaina
tah-e-zamin nazar aata hai aasman mujh ko
ajib shaKHs hai jis ne kahin nahin jaana
ye kah ke dekhta jata hai karwan mujh ko
mujhe KHabar hai kahani ka ant aa gaya hai
mujhe KHabar hai ki hona hai raegan mujh ko
Ashfaq Nasir 
(940) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544