Jin Laghzishon Ke Dahr Mein JhanDe Buland Hain
jin laghzishon ke dahr mein jhanDe buland hain
aiwan-e-zindagi ke wahi naqsh-band hain
be-saegi ne hum ko banaya hai tez-gam
hum log sukhe peDon ke ehsanmand hain
lafzon ke qaht hi ki nawazish kahen use
tabut-e-zehn mein jo KHayalat band hain
tu apna mal pahle harison mein banT de
kya hai hamara hum to qanaat-pasand hain
is qaid hi mein wusat-e-donon-jahan mili
ye soch kar hi aaj bhi hum KHud mein band hain
Ashfaq Rehbar 
(820) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544