Yatim Insaf
har ek kone mein har kan mein hai lahu ka suragh
Tapak raha hai lahu aastin-e-qatil se
jhalak raha hai abhi KHauf chashm-e-bismil se
hain KHak pe nae dhabbe hain baam pe nae dagh
har ek kone mein har kan mein hai lahu ka suragh
hui hai aadmiyat sarf din-e-shaitan par
hua hai sarf lahu tishnagi-e-haiwan par
ye KHun-e-KHak-nashini bana hai rizq-e-sitam
hua hai silsila-e-jaur ke alam pe raqam
pukar karta hai be-asra yatim lahu
kisi ke pas samaat ka waqt hai na dimagh
zaban-e-muddai KHam hai shahadat aawara
zamin ke sine pe bahta hai KHun ka dhaara
har ek kone mein har kan mein hai lahu ka suragh
Ashok Lal 
(960) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544