UTh Chuka Dil Mera Zamane Se
uTh chuka dil mera zamane se
uD gaya murgh aashiyane se
dekh kar dil ko muD gai mizhgan
tir KHali paDa nishane se
chashm ko naqsh-e-pa karun kyunkar
dur ho KHak aastane se
hum ne paya to ye sanam paya
is KHudai ke kar-KHane se
teri zanjir-e-zulf se nikle
ye tawaqqo na thi diwane se
ai 'fughan' dard-e-dil sunun kab tak
uD gai nind is fasane se
Ashraf Ali Fughan 
(739) Peoples Rate This