Jo Zindagi Bachi Hai Use Khaar Kya Karen
jo zindagi bachi hai use KHar kya karen
hum bhi tumhaare hote magar yar kya karen
hain band sab dukanen ki bazar-e-ishq mein
milta nahin hai hum sa KHaridar kya karen
laDte rahe hawa se jalate rahe charagh
ab aur raushni ke talabgar kya karen
ahbab chal diye tere darbar ki taraf
aur hum ki aa gae hain sar-e-dar kya karen
sidhi si baat ye hai hamein tum se pyar hai
sheron mein is KHayal ki takrar kya karen
hum jaan de chuke hain kai bar ishq mein
ab ye batao 'shad' ki is bar kya karen
Ashraf Shad 
(689) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544