Hamare Sar Pe Tab Koi Jahan Hota Nahin Tha
hamare sar pe tab koi jahan hota nahin tha
zamin hoti thi lekin aasman hota nahin tha
hum aksar khel mein haare hain us se is tarah bhi
wahin par DhunDte the wo jahan hota nahin tha
nikalte the hamare baat ke matlab hazaron
jo kahna chahte the wo bayan hota nahin tha
main KHali waqt mein TuTe sitare joDta tha
tumhaara hijr aisa raegan hota nahin tha
KHuda bhi sath rahta tha hamare is zamin par
ye tab ki baat hai jab aasman hota nahin tha
hamari qurbaten kya thin faqat ek waqia thin
aur aisa waqia jo dastan hota nahin tha
Ashu Mishra 
(2028) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544