Bazm-e-suKHan Ko Aap Ki Dil-gir Chal PaDe

bazm-e-suKHan ko aap ki dil-gir chal paDe

'ghaalib' kai chale hain kai 'mir' chal paDe

jannat ki kya bisat ki wo chal ke aaegi

meri taraf to wadi-e-kashmir chal paDe

harakat mein aa gae hain sabhi rang-e-KHal-o-KHat

un ki nazar ke sehr se taswir chal paDe

dekha jo mujh ko aap ki palken jhapak gain

ek jism-e-na-tawan pe kai tir chal paDe

qaidi riha hue the pahan kar nae libas

hum to qafas se oDh ke zanjir chal paDe

toDa nahin hai shaKH se KHush thi bakaoli

hum le ke us ke phul ki taswir chal paDe

pucha kisi ne aap ko jaana hai kis taraf

hum log su-e-wadi-e-kashmir chal paDe

'saqib' hum apne ganw ki barbaadiyon ke baad

is dil mein le ke hasrat-e-tamir chal paDe

(587) Peoples Rate This

Your Thoughts and Comments

Bazm-e-suKHan Ko Aap Ki Dil-gir Chal PaDe In English By Famous Poet Asif Saqib. Bazm-e-suKHan Ko Aap Ki Dil-gir Chal PaDe is written by Asif Saqib. Read famous Poem Bazm-e-suKHan Ko Aap Ki Dil-gir Chal PaDe for youth and Student by Asif Saqib. Free Download Bazm-e-suKHan Ko Aap Ki Dil-gir Chal PaDe in PDF.