Har Taraf Hai Fusun Mohabbat Ka
har taraf hai fusun mohabbat ka
git main bhi sunun mohabbat ka
ye jo shoale hain meri aankhon mein
hai ye soz-e-darun mohabbat ka
tum ye kahte ho main rahun zinda
aur dukh bhi sahun mohabbat ka
sochta hun ki ab tumhaare baghair
lafz kaise likhun mohabbat ka
aaj duniya ne jit li bazi
aaj sar hai nigun mohabbat ka
Asif Shafi 
(862) Peoples Rate This