Ya Dar Mujhe Tera Hai Ki Main Kuchh Nahin Kahta
ya Dar mujhe tera hai ki main kuchh nahin kahta
ya hausla mera hai ki main kuchh nahin kahta
hamrah raqibon ke tujhe bagh mein sun kar
dil dene ka samra hai ki main kuchh nahin kahta
kahta hai bahut kuchh wo mujhe chupke hi chupke
zahir mein ye kahta hai ki main kuchh nahin kahta
kahta hai tu kuchh ya nahin 'asif' se ye tu jaan
yan kis ko sunata hai ki main kuchh nahin kahta
Asif-ud-Daula 
(777) Peoples Rate This