Koshish Hai Gar Uski Ki Pareshan Karega
koshish hai gar us ki ki pareshan karega
wo dushman-e-jaan dard ko aasan karega
hum us ko jawabon se pasheman karenge
wo hum ko sawalon se pasheman karega
pahlu-tahi karte hue duzdida jo dekhe
chehre ke tassur se wo hairan karega
tu chhup ke hi aae ki bar-afganda-naqab aae
dil ki yahi aadat hai ki nuqsan karega
qazzaqon ki basti mein raha karte hain hum sab
har ghar ko koi dusra viran karega
har Tis se ubhregi teri yaad ki KHushbu
har zaKHm mere shauq pe ehsan karega
'aslam' ye suna hai ki mera shahr-e-wafa bhi
taKHrib ko sharminda-e-iqan karega
Aslam Emadi 
(754) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544