Main Sochta Hun Kahin Tu KHafa Na Ho Jae
main sochta hun kahin tu KHafa na ho jae
teri ana meri zanjir-e-pa na ho jae
ye jiti-jagti aankhen ye KHwab si duniya
wufur-e-shauq KHud apni jaza na ho jae
qadam qadam pe bapa jashn-e-imtihan-e-wafa
teri tarah koi dard-ashna na ho jae
na dekh mujh ko mohabbat ki aankh se ai dost
mera wajud mera muddaa na ho jae
main jis ko DhunD raha hun nashat-e-qurbat mein
mere KHayal se bhi mawara na ho jae
zamin ki god se suraj nikalne walo
sitara-e-sahari rahnuma na ho jae
harim-e-jaan mein hai arzan KHumar-e-tira-shabi
ye is dayar ki aab-o-hawa na ho jae
gham-e-firaq mein lazzat sahi magar 'aslam'
meri hayat mera KHun-baha na ho jae
Aslam Farrukhi 
(826) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544