Samne Shah-e-waqt Ke Aslam Kaun Kahe Ye Baat
samne shah-e-waqt ke 'aslam' kaun kahe ye baat
chor na the fankar the hum phir kaT liye kyun hat
us ka shewa us ki fitrat rishton ki tauhin
nang-e-insaniyyat hain sab us ke ehsasat
kunDli mare baiTha hua tha us ki zat mein khoT
aa kar wapas ho jati thi rishton ki saughat
meri KHamoshi par tari hai kaisa aalam-e-kashf
dasht-e-badan par hone lagi hai rangon ki barsat
jaise ye bhi paT rahi hon shaKHsiyyat ka jhol
rauzon ki diwaron par yun kanda hain aayat
jaane kis aawaz ki KHushbu sungh rahe hain kan
sare badan mein Dol raha hai ek kaif-e-lazzat
Aslam Haneef 
(798) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544