Jab Bhi Hansi Ki Gard Mein Chehra Chhupa Liya
jab bhi hansi ki gard mein chehra chhupa liya
be-laus dosti ka baDa hi maza liya
ek lamha-e-sukun to mila tha nasib se
lekin kisi sharir sadi ne chura liya
kanTe se bhi nichoD li ghairon ne bu-e-gul
yaron ne bu-e-gul se bhi kanTa bana liya
'aslam' baDe waqar se degree wasul ki
aur is ke baad shahr mein KHwancha laga liya
Aslam Kolsarii 
(818) Peoples Rate This