Gham Ye Nahin Ki Gham Se Mulaqat Hui

gham ye nahin ki gham se mulaqat hui

gham hai ki rah-e-gham mein KHurafat ho gai

main ehtimam-e-majlis-e-adab mein raha

kyun log uTh gae hain ye kya baat ho gai

mahaul jab tamazat-e-KHurshid mein hua

rut jaane kyun badal gai barsat ho gai

wo waqia jo ruh ki gahraiyon mein tha

wo baat ab to nazr-e-hikayat ho gai

tanha thi meri sada-rawi su-e-zindagi

phir sath mere gardish-e-haalat ho gai

main fart-e-ehtiyat se guzra magar 'atiq'

us par nigah az-rah-e-adat ho gai

(836) Peoples Rate This

Your Thoughts and Comments

Gham Ye Nahin Ki Gham Se Mulaqat Hui In English By Famous Poet Ateeq Asar. Gham Ye Nahin Ki Gham Se Mulaqat Hui is written by Ateeq Asar. Read famous Poem Gham Ye Nahin Ki Gham Se Mulaqat Hui for youth and Student by Ateeq Asar. Free Download Gham Ye Nahin Ki Gham Se Mulaqat Hui in PDF.