Sau Rang Hai Kis Rang Se Taswir Banaun

sau rang hai kis rang se taswir banaun

mere to kai rup hain kis rup mein aaun

kyun aa ke har ek shaKHs mere zaKHm kurede

kyun main bhi har ek shaKHs ko haal apna sunaun

kyun log musir hain ki sunen meri kahani

ye haq mujhe hasil hai sunaun ki chhupaun

is bazm mein apna to shanasa nahin koi

kya karb hai tanhai ka main kis ko bataun

kuchh aur to hasil na hua KHwabon se mujh ko

bas ye hai ki yaadon ke dar-o-baam sajaun

be-qimat-o-be-maya isi KHak mein yaro

wo KHak bhi hogi jise aankhon se lagaun

kirnon ki rifaqat kabhi aae jo mayassar

ham-rah main un ke teri dahliz pe aaun

KHwabon ke ufuq par tera chehra ho hamesha

aur main usi chehre se nae KHwab sajaun

rah jaen kisi taur mere KHwab salamat

is ek dua ke liye ab hath uThaun

(727) Peoples Rate This

Your Thoughts and Comments

Sau Rang Hai Kis Rang Se Taswir Banaun In English By Famous Poet Athar Nafees. Sau Rang Hai Kis Rang Se Taswir Banaun is written by Athar Nafees. Read famous Poem Sau Rang Hai Kis Rang Se Taswir Banaun for youth and Student by Athar Nafees. Free Download Sau Rang Hai Kis Rang Se Taswir Banaun in PDF.