Gham Ke Baadal Dil-e-nashad Pe Aise Chhae
gham ke baadal dil-e-nashad pe aise chhae
saya-e-gul mein bhi hamraaz na hansne pae
yun tasawwur mein dabe panw teri yaad aai
jis tarah sham ki banhon mein sitare aae
waqt ki dhup mein hum saya-e-hasrat ban kar
do ghaDi ku-e-tamanna mein na chalne pae
zindagi mauj-e-talatum ki tarah ruk na saki
yun to har moD pe tufan hazaron aae
is se manzil ka pata puchh rahi hai duniya
jis ka manzil ke tasawwur se bhi ji ghabrae
'raaz' ehsas ke aangan mein hon tanha tanha
ghup andhera hai magar sath hain gham ke sae
Athar Raz 
(938) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544