Is Dasht Nawardi Mein Jina Bahut Aasan Tha
is dasht nawardi mein jina bahut aasan tha
hum chaak gareban the sar par koi daman tha
hum se bhi bahut pahle aaya tha yahan koi
jab hum ne qadam rakkha ye KHak-dan viran tha
uDte hue phirte the aawara ghubaron se
wo waqt tha jab us ke lauT aane ka imkan tha
ye rah-e-talab yaro gumrah bhi karti hai
saman usi ka tha jo be-sar-o-saman tha
Atiiqullah 
(579) Peoples Rate This