Hawa Ke RuKH Pe Rah-e-etibar Mein Rakkha
hawa ke ruKH pe rah-e-e'tibar mein rakkha
bas ek charagh ku-e-intizar mein rakkha
ajab tilism-e-taghaful tha jis ne der talak
meri ana ko bhi kunj-e-KHumar mein rakkha
uDa diye KHas-o-KHashak-e-arzu sar-e-rah
bas ek dil ko tere iKHtiyar mein rakkha
na jaane kaun ghaDi thi ki apne hathon se
uTha ke shisha-e-jaan is ghubar mein rakkha
ye kis ne misl-e-mah-o-mahr apni apni jagah
visal o hijr ko un ke madar mein rakkha
lahu mein Dolti tanhai ki tarah 'KHawar'
tera KHayal dil-e-be-qarar mein rakkha
Ayub Khawar 
(910) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544