Hawa-e-tez Ke Aage Kahan Rahega Koi
hawa-e-tez ke aage kahan rahega koi
diye pe waqt sada mehrban rahega koi
ai dost hum bhi zamin par dhuen ki surat hain
faza mein kitna dhuan hai dhuan rahega koi
ajib naqsh banae hain wahshat-e-dil ne
magar ye ret hai is par nishan rahega koi
makan-e-dil ki sabhi raunaqen makinon se
makin hi na rahe to makan rahega koi
suragh laegi kitne nae jahanon ka
ye aagahi ka safar raegan rahega koi
jo dil ki jhil hi jazbon se ho gai KHali
to apni aankh mein aab-e-rawan rahega koi
hum apne sath hi le jaenge jahan apna
hamare baad to yunhi jahan rahega koi
Azhar Abbas 
(902) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544