PaDhiye Sabaq Yahi Hai Wafa Ki Kitab Ka
paDhiye sabaq yahi hai wafa ki kitab ka
kanTe kara rahe hain taaruf gulab ka
kaisa ye intishaar diyon ki safon mein hai
kuchh to asar hua hai hawa ke KHitab ka
ye tai kiya jo main ne junun tak main jaunga
ye marhala aham hai mere iztirab ka
mana bahut hasin tha wo umr ka paDaw
qissa magar na chheDiye ahd-e-shabab ka
'azhar' kahin se nind ka ab kije intizam
yunhi nikal na jae ye mausam bhi KHwab ka
Azhar Nawaz 
(1374) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544