Ek KHwab-e-atishin Ka Wo Mahram Sa Rah Gaya
ek KHwab-e-atishin ka wo mahram sa rah gaya
diwar-o-dar mein shoala-e-barham sa rah gaya
sher-e-watan ke pyale pe thin kal ziyafaten
aaya jo ta-ba-lab to faqat sam sa rah gaya
mana wafa barae-wafa ittifaq thi
tum sa raha koi na koi hum sa rah gaya
ek la-talluqi ki faza darmiyan rahi
jab do dilon mein farq bahut kam sa rah gaya
us sarw-qad ki tab-o-mulaem-ruKHi ka raaz
isyan ki shab mein dida-e-pur-nam sa rah gaya
aaKHir hui bahaar magar rang-e-gul ka KHwab
dil mein dua nigah mein shabnam sa rah gaya
ek us ke rang-e-ruKH ki junun-saz chhuT se
is zindagi mein KHwab ka aalam sa rah gaya
Aziz Hamid Madni 
(2032) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544