Ai Dil Ye Hai KHilaf-e-rasm-e-wafa-parasti
ai dil ye hai KHilaf-e-rasm-e-wafa-parasti
tauba buton ke aage zikr-e-KHuda-parasti
ek KHanjar-e-qaza hai ek nashtar-e-jafa hai
wo chashm-e-shoKH jo hai mahw-e-haya-parasti
dikhlaunga tamasha is aaine mein tum ko
subh-e-azal se dil hai mahw-e-safa-parasti
zalim ki hai ye koshish is ko kahin miTa dun
mazlum dil ko mere fikr-e-baqa-parasti
kyun saz-o-barg-e-hasti karta hai tu muhayya
duniya ko hai azal se zauq-e-fana-parasti
lai na mai-kade se wapas 'aziz' tujh ko
ye hikmat-o-tasawwuf ye auliya-parasti
Aziz Lakhnavi 
(1057) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544