Karo Talash Had-e-asman Milne Na Mile

karo talash had-e-asman milne na mile

nishan-e-rahguzar-e-karwan mile na mile

chalo jalae hue mashal-e-yaqin dil mein

kanar-e-bahr-e-muhit-e-guman mile na mile

rawan-dawan hun har ek mauj-e-KHush-KHiram ki samt

pas-e-sarab wo ju-e-rawan mile na mile

abhi sada-e-jaras gunjti hai kanon mein

suragh-e-qafila-e-raftgan mile na mile

abhi na daman-e-ummid chhuTne pae

phir ek bar wo nazdik-e-jaan mile na mile

har ek gam hai ek sajda-gah 'tamannai'

jabin ko sang-e-dar-e-astan mile na mile

(807) Peoples Rate This

Your Thoughts and Comments

Karo Talash Had-e-asman Milne Na Mile In English By Famous Poet Aziz Tamannai. Karo Talash Had-e-asman Milne Na Mile is written by Aziz Tamannai. Read famous Poem Karo Talash Had-e-asman Milne Na Mile for youth and Student by Aziz Tamannai. Free Download Karo Talash Had-e-asman Milne Na Mile in PDF.