Qubul Hoti Hui Bad-dua Se Darte Hain
qubul hoti hui bad-dua se Darte hain
wagarna log kahan ye KHuda se Darte hain
chalo ki faisla aaKHir yahan tamam hua
ye kam-nasib teri KHak-e-pa se Darte hain
sabhi se kahte hain bas KHair ki dua mango
kabhi kabhi to hum itna KHuda se Darte hain
yahi burai hai bujhte hue charaghon mein
ye KHushk patton ki surat hawa se Darte hain
jo dekhte hain use kuchh nahin samajhte magar
jo dekhna hai usi ki saza se Darte hain
Azlan Shah 
(1155) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544