Wusat-e-chashm Ko Andoh-e-basarat Likhkha
wusat-e-chashm ko andoh-e-basarat likhkha
main ne ek wasl ko ek hijr ki haalat likhkha
main ne parwaz likhi hadd-e-falak se aage
aur be-baal-o-pari ko bhi nihayat likhkha
main ne KHushbu ko likha dastaras-e-gum-shudagi
rang ko fasla rakhne ki riayat likkha
husn-e-goyai ko likhna tha likhi sargoshi
shor likhna tha so aazar-e-samaat likhkha
main ne tabir ko tahrir mein aane na diya
KHwab likhte hue mohtaj-e-bashaarat likhkha
koi aasan rifaqat nahin likkhi main ne
qurb ko jab bhi likha jazb-e-raqabat likhkha
itne daon se guzar kar ye KHayal aata hai
'azm' kya tum ne kabhi harf-e-nadamat likhkha
Azm Bahzad 
(1034) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544