Ye Dimagh
ye dimagh sota hi rahta hai
maile malgaje kapDon ki gaThri
ek unghta hua kahil wajud
nashshe ki aadat se be-kar
ye dimagh sota hi rahta hai
aham confrencon mein
KHas majlison mein
koi hadsa hone wala ho
ya koi tabdili aane wali ho
kone mein gumDi mare paDa rahta hai
soche hue ek arsa hua
meade mein jalan hoti thi
to chal deta tha khojne ke liye
zyaada hath paun phir bhi nahin marta tha
gumDi mare hue
khojne ke liye sochna
us ke bas se bahar tha
puchhe koi is thake hue se
ye kab bedar hoga
kahil
be-kar
gumDi mare hue
nakara
maile malgaje kapDon ki gaThri
ye dimagh
Azra Abbas 
(1058) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544