Be-KHuda Hone Ke Dar Mein Be-sabab Rota Raha
be-KHuda hone ke Dar mein be-sabab rota raha
dil ke chauthe aasman par kaun shab rota raha
kya ajab aawaz thi sote shikari jag uThe
par wo ek ghayal parinda jaan-ba-lab rota raha
jate jate phir december ne kaha kuchh mang le
KHali aankhon se magar dil be-talab rota raha
main ne phir april ke hathon se dil ko chhu liya
aur dil sayon se lipTa sari shab rota raha
us ne mere nam suraj chand tare likh diya
mera dil miTTi pe rakh apne lab rota raha
Azra Parveen 
(1187) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544