Naghme TaDap Rahe Hain Dil-e-be-qarar Mein
naghme taDap rahe hain dil-e-be-qarar mein
aankhen baras rahi hain gham-e-intizar mein
fitrat udas si hai ghaTaen hain sogwar
ek gham-nasib husn hai abr-e-bahaar mein
hai zarra zarra shauq-e-samaat se be-qarar
tum gunguna rahe ho kisi aabshaar mein
sawan ki rut bahaar ka mausam andheri raat
rim-jhim ke git gunj rahe hain phuwar mein
sapnon mein ho gaya hai sawera kahin mujhe
baiTha hua hun jaise kisi lala-zar mein
aisa laga ki sath hi gate hain aabshaar
kya mohni si lai hai tumhaare sitar mein
kyun aaj sar jhukae hue ro rahe ho tum
bikhre hue hain baal gham-o-intishaar mein
B S Jain Jauhar 
(1271) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544