Tamam Raat Chhaton Par Baras Gaya Pani
tamam raat chhaton par baras gaya pani
sawera hote hi basti mein bas gaya pani
piya ki banhon mein dulhan ko kas gaya pani
andheri raat mein birhan ko Das gaya pani
baDa hi naz tha apni KHunuk-mizaji par
zamin ke tapte tawe par jhulas gaya pani
wo napta raha dharti ke sab nasheb-o-faraaz
fareb-e-rahat-e-mandan mein phans gaya pani
nahane aai thi ganda hai kah ke lauT gai
kisi ko chhune ki KHatir taras gaya pani
B S Jain Jauhar 
(1083) Peoples Rate This