Hayat DhunDh Raha Hun Qaza Ki Rahon Mein
hayat DhunDh raha hun qaza ki rahon mein
panah mangne aaya hun be-panahon mein
badan mummy tha nazar barf sans kafuri
tamam raat guzari hai sard banhon mein
ab un mein shoale jahannam ke raqs karte hain
base the kitne hi firdaus jin nigahon mein
bujhi jo raat to apni gali ki yaad aai
ulajh gaya tha main rangin shah-rahon mein
na jaane kya hua apna bhi ab nahin hai wo
jo ek umr tha duniya ke KHair-KHwahon mein
meri talash ko jis ilm se qarar aae
na KHanqahon mein pai na dars-gahon mein
Badnam Nazar 
(933) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544