RuKH-e-hayat Hai Sharminda-e-jamal Bahut
ruKH-e-hayat hai sharminda-e-jamal bahut
jami hui hai abhi gard-e-mah-o-sal bahut
gurez-pa hai jo mujh se tera visal to kya
mera junun bhi hai aamada-e-zawal bahut
mujhe har aan ye deta hai wasl ki lazzat
wafa-shanas hai tujh se tera KHayal bahut
kitab-e-zist ke har ek waraq pe raushan hain
teri fasurda-nigahi ke KHadd-o-KHal bahut
palaT gae jo parinde to phir gila kya hai
har ek shaKH-e-shajar par bichhe hain jal bahut
tumhein hai naz agar apne husn-e-sarkash par
tu mera ishq bhi hai ru-kash-e-jamal bahut
azan-e-subh ki har lai ke tar TuT gae
farogh-e-zulmat-e-shab ka ye hai kamal bahut
kisi bhi pyas ke mare ki pyas bujh na saki
samundaron mein to aate rahe uchhaal bahut
Bakhsh Layalpuri 
(1242) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544