Barishon Mein Ghusl Karte Sabz PeD
barishon mein ghusl karte sabz peD
dhup mein bante sanwarte sabz peD
kis qadar tashhir-e-gham se dur tha
chupke chupke aah bharte sabz peD
dur tak roti hui KHamoshiyan
raat ke manzar se Darte sabz peD
dasht mein wo rah-rau ka KHwab the
ghar mein kaise panw dharte sabz peD
doston ki saltanat mein dur tak
dushmanon ke Dhor charte sabz peD
kar gae be-mehr mausam ke supurd
rafta rafta aaj marte sabz peD
Balraj Komal 
(1280) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544