Drug Store

agar main jism hun to sar se panw tak main jism hun

agar main ruh hun to phir tamam-tar main ruh hun

KHuda se mera silsila wahi hai jo saba se hai

agar main sabz peD hun

to ruh aur jism ki

wo kaun si haden hain faslon mein jo badal gain

zamin meri kaun hai

chamakta nil-gun hasin aasman kaun hai

jo barg o gul mein dhire dhire jazb ho rahi hai dhup

zard dhup kyun mujhe aziz hai

ye sochta hun sab magar main taqchon mein band yun

main nam koi DhunDhta hun aaj apne karb ka

talash kar raha hun ek ek pal

qatar-dar-qatar shishon ke is hujum mein

wo aasman kya hua wo sabz peD kya hua

jigar mein aag thi magar jigar sufuf ban gaya

jo surKH tha kabhi mera lahu sapid ho gaya

main boTiyon mein kaT gaya

main dhajjiyon mein nuch gaya

yahan pe meri raushni, yahan pe meri zindagi

saped, surKH, zard, nilgun, siyah, lablon mein baT gai

saba ki rahguzar se dur haT gai

(551) Peoples Rate This

Your Thoughts and Comments

Drug Store In English By Famous Poet Balraj Komal. Drug Store is written by Balraj Komal. Read famous Poem Drug Store for youth and Student by Balraj Komal. Free Download Drug Store in PDF.