Dard-e-dil Aaj Bhi Hai Josh-e-wafa Aaj Bhi Hai
dard-e-dil aaj bhi hai josh-e-wafa aaj bhi hai
zaKHm khane ka mohabbat mein maza aaj bhi hai
garmi-e-ishq nigahon mein nahin hai na sahi
muskuraati hui aankhon mein haya aaj bhi hai
husn paband-e-qafas ishq asir-e-alam
zindagi jurm-e-mohabbat ki saza aaj bhi hai
hasraten zist ka sarmaya bani jati hain
sina-e-ishq pe wo mashq-e-jafa aaj bhi hai
daman-e-sabr ke har tar se uThta hai dhuan
aur har zaKHm pe hangama uTha aaj bhi hai
apne aalam-o-masaib ka wahi darman hai
dard ka had se guzarna hi dawa aaj bhi hai
'mir' o 'ghaalib' ke zamane se nae daur talak
shaer-e-hind giraftar-e-bala aaj bhi hai
Baqar Mehdi 
(1125) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544