Kaun Bhala Ye Kahta Hai KHud Aa Ke Hum Ko Manaen Aap

kaun bhala ye kahta hai KHud aa ke hum ko manaen aap

TuTa dil ab kaise juDega sachchi qasmen na khain aap

patthar sine par rakh lenge jite-ji jaenge

aap ko qatil kaun kahega kyun nahaq ghabraen aap

rah-e-wafa par chalte chalte apni azmat bhul gae the

chhoDi hum ne rasm-e-parastish ab na karam farmaen aap

sehr kiya eajaz kiya hai dard ka shoala barf bana hai

tark-e-mohabbat hum ko mubarak kyun nahaq pachhtaen aap

josh-e-junun ka daur nahin hai dil ke sukun ka daur nahin hai

gham hai naya kaise kam hoga aaen aap na aaen aap

tishna-labi kuchh aur baDhi hai mai-KHwari ki dhum machi hai

aaKHir hum se rind-e-bala-kash kaise pyas bujhaen aap

(806) Peoples Rate This

Your Thoughts and Comments

Kaun Bhala Ye Kahta Hai KHud Aa Ke Hum Ko Manaen Aap In English By Famous Poet Baqar Mehdi. Kaun Bhala Ye Kahta Hai KHud Aa Ke Hum Ko Manaen Aap is written by Baqar Mehdi. Read famous Poem Kaun Bhala Ye Kahta Hai KHud Aa Ke Hum Ko Manaen Aap for youth and Student by Baqar Mehdi. Free Download Kaun Bhala Ye Kahta Hai KHud Aa Ke Hum Ko Manaen Aap in PDF.