Hamare Baad
ye rahen KHud-baKHud puchhengi tum se
kahan tum jaoge jab hum na honge
ishaare kaun samjhega tumhaare
kise samjhaoge jab hum na honge
abhi ashkon mein pinhan hai tabassum
KHushi kya paoge jab hum na honge
zamana toD dega shisha-e-dil
bahut ghabraoge jab hum na honge
taghaful ki saza tum ko milegi
bahut pachhtaoge jab hum na honge
Baqar Mehdi 
(956) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544