Dil KHun Hai Gham Se Aur Jigar Yak-na-shud Do-shud

dil KHun hai gham se aur jigar yak-na-shud do-shud

lab KHushk hain to chashm hai tar yak-na-shud do-shud

ruswa to nala kar ke hue lekin us ne yar

dil mein tere kiya na asar yak-na-shud do-shud

awwal to hum ko taqat-e-parwaz hi na thi

tis par burida ho gae par yak-na-shud do-shud

paya na hum ne sud mohabbat mein yar ki

is par bhi pahunchta hai zarar yak-na-shud do-shud

chhiDka mere jigar pe namak ghair se raha

paiwasta misl-e-shir-o-shakar yak-na-shud do-shud

aawara jun saba hun par ab justuju-e-yar

rakhti hai mujh ko KHak-basar yak-na-shud do-shud

mushkil tha dekhna hi tera tis pe roz-e-wasl

lai na chashm tab-e-nazar yak-na-shud do-shud

nalan hum apne ashk ke hathon the ab 'baqa'

bahne lagen hain laKHt-e-jigar yak-na-shud do-shud

(761) Peoples Rate This

Your Thoughts and Comments

Dil KHun Hai Gham Se Aur Jigar Yak-na-shud Do-shud In English By Famous Poet Baqaullah 'Baqa'. Dil KHun Hai Gham Se Aur Jigar Yak-na-shud Do-shud is written by Baqaullah 'Baqa'. Read famous Poem Dil KHun Hai Gham Se Aur Jigar Yak-na-shud Do-shud for youth and Student by Baqaullah 'Baqa'. Free Download Dil KHun Hai Gham Se Aur Jigar Yak-na-shud Do-shud in PDF.