Teri Tarah Malal Mujhe Bhi Nahin Raha
teri tarah malal mujhe bhi nahin raha
ja ab tera KHayal mujhe bhi nahin raha
tu ne bhi mausamon ki pazirai chhoD di
ab shauq-e-mah-o-sal mujhe bhi nahin raha
mera jawab kya tha tujhe bhi KHabar nahin
yaad ab tera sawal mujhe bhi nahin raha
jis baat ka KHayal na tu ne kabhi kiya
is baat ka KHayal mujhe bhi nahin raha
toDa hai tu ne jab se mere dil ka aaina
andaza-e-jamal mujhe bhi nahin raha
'baqi' mein apne fan se baDa pur-KHulus hun
is waste zawal mujhe bhi nahin raha
Baqi Ahmad Puri 
(981) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544