Be-basar Aafat Se Taklif Hoti Hai Mujhe
be-basar aafat se taklif hoti hai mujhe
sar-phire haalat se taklif hoti hai mujhe
jo mere dushman ko samjha kar gai kam-zarf hai
yani kis kis baat se taklif hoti hai mujhe
aaj bairun-e-qafas sayyaad ki parwa nahin
aap apni zat se taklif hoti hai mujhe
jashn kar meri tabahi par koi shikwa nahin
bas teri auqat se taklif hoti hai mujhe
ham-nashini se teri har shab bahut shirin thi
juz tere ab raat se taklif hoti hai mujhe
zulm ka aadi hun zanjiri meri pahchan hai
KHud lagai ghat se taklif hoti hai mujhe
Basheer Dada 
(1271) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544