Azmaten Sab Teri KHudai Ki
azmaten sab teri KHudai ki
haisiyat kya meri ikai ki
mere honTon ke phul sukh gae
tum ne kya mujh se bewafai ki
sab mere hath panw lafzon ke
aur aankhen bhi raushnai ki
main hi mulzim hun main hi munsif hun
koi surat nahin rihai ki
ek baras zindagi ka bit gaya
tah jami ek aur kai ki
ab taraste raho ghazal ke liye
tum ne lafzon se bewafai ki
Bashir Badr 
(951) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544