KHuda Hum Ko Aisi KHudai Na De
KHuda hum ko aisi KHudai na de
ki apne siwa kuchh dikhai na de
KHata-war samjhegi duniya tujhe
ab itni ziyaada safai na de
hanso aaj itna ki is shor mein
sada siskiyon ki sunai na de
ghulami ko barkat samajhne lagen
asiron ko aisi rihai na de
KHuda aise ehsas ka nam hai
rahe samne aur dikhai na de
Bashir Badr 
(2159) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544