Meri Nazar Mein KHak Tere Aaine Pe Gard Hai
meri nazar mein KHak tere aaine pe gard hai
ye chand kitna zard hai ye raat kitni sard hai
kabhi kabhi to yun laga ki hum sabhi machine hain
tamam shahar mein na koi zan na koi mard hai
KHuda ki nazmon ki kitab sari kaenat hai
ghazal ke sher ki tarah har ek fard fard hai
hayat aaj bhi kaniz hai huzur-e-jabr mein
jo zindagi ko jit le wo zindagi ka mard hai
ise tabarruk-e-hayat kah ke palkon par rakhun
agar mujhe yaqin ho ye raste ki gard hai
wo jin ke zikr se ragon mein dauDti thin bijliyan
unhin ka hath hum ne chhu ke dekha kitna sard hai
Bashir Badr 
(874) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544