Main Tere Dar Se Ro Nahin Sakta
main tere Dar se ro nahin sakta
gard-e-gham dil se dho nahin sakta
ashk yun tham rahe hain mizhgan par
koi moti piro nahin sakta
shab mera shor-e-girya sun ke kaha
main to is ghul mein so nahin sakta
maslahat tark-e-ishq hai naseh
lek ye hum se ho nahin sakta
kuchh 'bayan' tuKHm-e-dosti ke siwa
mazra-e-dil mein bo nahin sakta
Bayan Ahsanullah Khan 
(830) Peoples Rate This