Ya Rab Na Hind Hi Mein Ye MaTi KHarab Ho
ya rab na hind hi mein ye maTi KHarab ho
ja kar najaf mein KHak-e-dar-e-bu-turab ho
saya kare wo lutf se saya jise na tha
jis waqt roz-e-hashr mein garm aaftab ho
hasil ho is nafs ko sifat mutmainna ki
pesh is se irjai ka udhar se KHitab ho
jab chashm bastagi ho mujhe is jahan mein
aankhon ke samne wahi aali-janab ho
ai yar yan to munh na dikhaya kabhu hamein
aisa na ho ki wan bhi 'bayan' se hijab ho
(639) Peoples Rate This