Zulf Teri Ne Pareshan Kiya Ai Yar Mujhe
zulf teri ne pareshan kiya ai yar mujhe
teri aankhon ne kiya aap sa bimar mujhe
dil bujha jae hai aghyar ki shorish pe mera
sard karti hai teri garmi-e-bazar mujhe
aql hi maujib-e-taklif hui hai nadan
kar gai be-KHabari aa ke KHabar-dar mujhe
taKHt aur chhitr salatin ko mubarak howe
bas hai kuche mein tere saya-e-diwar mujhe
jun misal us ki numudar hui tun hi 'bayan'
tapish-e-dil ne kiya KHwab se bedar mujhe
Bayan Ahsanullah Khan 
(714) Peoples Rate This